Огонь Игр Манчаары в Горном улусе (видео)

Телерепортаж Михаила Мордовского-Михуты (филиал НВК в Горном улусе)

NVK-ONLINE.RU – “Манчаары оонньууларын” үбүлүөйдээх уота Мэҥэ Хаҥаластан старт ылан, бэс ыйын 19 күнүгэр Дьокуускай куорат киин болуоссаттарыгар ыалдьыттаабыта, салгыы Горнай улууһугар аттаммыта. Дьокуускай куорат – Горнай улууһа икки ардыларын границатыгар үөрүүлээх быһыыга-майгыга көрүстүлэр.

Бүлүү федеральнай суол 67 километрыгар 20-с үбүлүөйдээх оонньуу уотун Горнай улууһун дьонугар-сэргэтигэр Дьокуускай куорат спортивнай делегацията эстафетатын туттарда. Оонньуулар ыытыллыахтаах Үөһээ Бүлүү нэһилиэгэр дылы 870 километр айанныахтаах, уот икки күн Горнай улууһун 9 нэһилиэгэр ыалдьыттаан ааһыахтах.

Эктсремал сүүрээччи уонна йог Дмитрий Горохов салайааччылаах уот арыаллааччылара Бэрдьигэстээххэ киириигэ 2021 сылга кэлэр 21-с “Манчаары оонньуулара” ыытыллар делегациятын кытта көрсөн, эстафета уотун салҕаатылар. Кыайыы балаһааккатыгар Бэрдьигэстээх дьоно-сэргэтэ уруй-айхал тылларынан факелоноцестары көрүстүлэр. Манна уоту улуус баһылыга Никита Андреев илиитигэр ылан, кэлэн иһэр “Манчаары оонньууларынан” эҕэрдэлээн туран, 2021 сыллааҕы оонньуулар үрдүк таһымҥа ыытыллыахтара диэн биг тылын эттэ. Оттон “Манчаары оонньууларын” бастакы күрэхтэһиитин кыайыылааҕа Баһылай Пахомов күрэхтэһии ураты күүһүн санатта.

 

Комментарии закрыты