Сахалыы остуол оонньууларын түһүлгэтэ

Д.Д. Красильников аатынан Мугудай орто оскуолатыгар сахалыы остуол оонньуутугар биирдиилээн бастыыр иһин аһаҕас турнир буолан ааста.

Бу күрэхтэһиигэ А.Е.Мординов аатынан Тааттатааҕы лицей (тренер, төрөппүт Альбина Товарова), Ытык-Күөл 1 № оскуола (тренер Юрий Аянитов), Чакыр (тренер Дмитрий Саввинов), Д.П. Коркин аатынан олимпийскай эрэллэри бэлэмниир өрөспүүбүлүкэтээҕи интэринээт-оскуола (тренер Гаврил Нохтунскай), С.К. Макаров аатынан Чурапчытааҕы гимназия (тренер Любовь Пермякова) уонна Мугудай (тренер Анна Ноговицына) хамаандалара кыттыыны ыллылар.

Тыҥааһыннаах киирсии кэнниттэн 3-4 кылаас үөрэнээччилэригэр: кыргыттарга 1-кы миэстэ – Ермолаева Айыына (Дьокуускай), 2-с миэстэ – Винокурова Юлия (Мугудай), 3-с миэстэ – Варламова Аэлита (Ытык-Күөл); уолаттарга кыайыылааҕынан мугудайдар: Дьячковскай Сандал, Оконешников Стас, Мальцев Сережа таҕыстылар. 5-6 кылаас кыргыттарыгар: Прохорова Кристина (Дьокуускай), Лукина Лилияна (Чурапчытааҕы оскуола-интэринээт), Товарова Маша (Таатта), уолаттарга Ущницкай Ярослав (Дьокуускай), Товаров Ариан (Таатта), Соловьев Айтал (оскуола-интэринээт) кыайыы өрөгөйүн биллилэр.

7-8 кылааска кыайыылааҕынан таҕыстылар кыргыттарга: Давыдова Ая (Дьокуускай), Куприянова Эльза (Чурапчытааҕы гимназия), Толстоухова Дарина (Мугудай); уолаттарга: оскуола-интэринээт уолаттара Васильев Денис, Аржаков Дима уонна Чакыртан Михайлов Кэскил тэҥнээхтэрин булбатылар. Улахан кылаастарга Слепцова Саша (гимназия), мугудайдар Бурнашева Александрина, Захарова Света, уолаттарга Эльдар, Эдгар Ивановтар, Варламов Эрхаан миэстэлэстилэр.

Дьоро түмсүү иккис чааһыгар Баһылай Манчаары аатынан өрөспүүбүлүкэтээҕи спорт национальнай көрүҥнэрин киинин остуол оонньуутун тренерэ Надежда Белолюбская түүр омук интеллектуальнай оонньууларга маастар-кылаас ыытта. Түмүгэр мангала, бестемше, үрдүкү кылаас оҕолоругар уонна улахан дьоҥҥо тогыз кумалак оонньууга күрэхтэһии ыытылынна. 5-6 кылаас оҕолоругар кыайыылааҕынан таҕыстылар оскуола интэринээт оскуола оҕолоро: Смирникова Аэлита, Фомина Лера, Лукина Лилиана, уолаттарга Соловьев Айтал, Сивцев Дьулуур (Мугудай), Попов Арсен (гимназия).

7-8 кылаастарга тогыз кумалакка Мугудай кыргыттара Захарова Алина, Сивцева Туйаара кыайыыны ситистилэр.

Улахан кылаас уолаттарыгар эмиэ мугудайдар бастаатылар: Иванов Эдгар, Иванов Эльдар, Сивцев Андрей.

Тренердэргэ 1-кы миэстэ Альбина Федоровна, Гаврил Федорович, Юрий Николаевич, Дмитрий Саввинов ыллылар.

Күрэхтэһии түмүгүнэн кыайыылаахтарга чэпчэки атлетикаҕа РФ спордун маастара, Чурапчы улууһун хабылыкка федерациятын салайааччыта Гаврил Нохтунскай мэтээллэри, грамоталары туттарда. Олохтоох оскуола (директор Анатолий Федоров), Таатта тренерэ Юрий Николаевич туруорбут анал бириистэрин Эльдар Иванов, Дьулуур Сивцев, Ариан Товаров, Күннэй Шестакова уо.д.а. ылан үөрдүлэр-көттүлэр.

Саҥа оонньуу кыайыылаахтарын “Модун” спортивнай комплекс тренерэ Н.Н. Белолюбская мэтээллэринэн, грамотанан бэлиэтээтэ.

Бу күрэхтэһиигэ төрөппүттэр: Альбина Товарова, Алюта Шестакова оҕолорун арыаллаан кэлбиттэрэ атыттарга холобур буолар.

Түгэнинэн туһанан, маастар-кылааһы биэрэн элбэххэ үөрэппит Надежда Николаевнаҕа, бу тэрээһини өйөөбүт оскуола дьаһалтатыгар, кэлбит бары хамаандаларга махталбытын тиэрдэбин. Аны даҕаны өбүгэбит дьоһун оонньуутун киэҥ эйгэҕэ таһаара, саҥаны киллэрэ, чөл олоҕу тутуһа, туругурда туруҥ диэн алгыспын тиэрдэбин.

Анна НОГОВИЦЫНА,

Чурапчы, Мугудай.

sportyakutia.ru

Комментарии закрыты