Михаил Соловьев – “Дүпсүн оонньууларын” кыайыылааҕа

Дьону кэрэхсэтэр, өрө күүрдэр көрүҥүнэн «Дүпсүн оонньуулара» диэн нэһилиэк аҕа баһылыгын Ивамар Соловьев бирииһигэр 18 саастарын туола илик уолаттар ортолоругар ыытыллар күрэхтэһии буолар.

Бу күрэх 2015 сылтан ыла ыытыллар. Быйыл 4-с төгүлүн тэрилиннэ. Бырайыак ааптарынан нэһилиэк депутаттарын сэбиэтин бэрэссэдээтэлэ Евгений Сивцев уонна сүрүн сүбэлээччинэн «Дыгын оонньуулара» күрэх сэттэ төгүллээх кыайыылааҕа Иван Белолюбскай буолаллар. Күрэхтэһии сэттэ көрүҥүнэн ыытылынна: оҕунан ытыы, үc төгүл үс, тутум эргиир, мас тардыһыыта, хапсаҕай, сүүрүү, таас көтөҕүүтэ. e26f9482 1b21 4ddf bfd4 d729ac0dade5

Урукку сылларга бу күрэххэ кыттыбыт оҕолортон бу көрүҥнэргэ үрдүк ситиһиилэммит Эрэл Сивцев, Сергей Слепцов, Никита Новгородов, Айтал Копырин, Вася Данилов, Петя Осипов, Артем Алексеев курдук кэскиллээх уолаттар үүнэн-сайдан таҕыстылар.

3e271652 e847 46d4 b040 b771914266bb

Күрэхтэһии спонсордарынан нэһилиэк дьаһалтата, предпринимателлэр, биирдиилээн дьон буолаллар. Быйылгы күрэхтэһии муҥутуур кыайыылааҕынан Дүпсүн орто оскуолатын 9-с кылааһын үөрэнэн бүтэрбит Михаил Соловьев ааттанна уонна японскай мотоциклынан, үс көрүҥҥэ кыайан 15 тыһ. харчынан, дрель курдук наадалаах тэрилинэн бириэмийэлэнэн үөрүү өрөгөйүн биллэ. Түһүлгэ дьоно уол үөрүүтүн тэҥҥэ үллэстэн сүргэлэрэ көтөҕүлүннэ.

Лена СЫРОВАТСКАЯ, общ. корреспондент

8f939316 8025 453d b328 7d9ec4e5ac7f

a58e8fd8 4917 4866 aa12 f7a2b4111b58

7579a9e2 79ff 40f2 8883 4fb9b1f4aae3

3a6828c5 8ad4 4891 9fc5 d7ef9af93d94

sportyakutia.ru